何，只得又叫小妹娘去請本家金姐。金姐知道一定又要借錢，起先還不肯來。沉二寶一連叫人請了他三次，方勉勉強強的走進房來，口中說道：“二小姐叫倪做啥？倪事體忙煞來浪，耐總要自家打打主意末好呀，尋著倪有啥格用場？”
沈二寶見了金姐的面，便一把拉到後面小房間裡頭，滴淚苦求道：“今朝格件事體，總要請嫵姆救救倪急格哉！”
金姐聽了，便正色數說道：“二小姐，耐勿要看得銅鈿實梗容易噓！耐阿曉得，倪為仔耐身浪格事體，搭耐借仔幾化洋鈿，一千六百塊洋鈿篤呀，勿是啥格少噓！
耐故歇自家勿小心，失脫仔洋鈿，咦要問倪借，倪咦勿開啥錢莊銀行，洋鈿洛裡會來得實梗容易？老實搭耐說仔罷，格兩日撥耐格兩個要帳格斷命人，吵得頭腦子才空格哉。樓浪向李小蘭搭仔筱花麗卿，一徑來浪嘰哩咕嚕，啥格鈍仔俚篤格色頭哉，咦是坍仔俚篤格臺哉。格號閒話，倪軋實聽勿慣。勿是倪今朝來裡說耐，耐也忒嫌勿當心仔點哉，好好裡洋鈿放來浪櫥裡向，那哼就會撥俚偷得去？倪想起來，也嘸撥實梗容易嘛。格個裡向勿得知到底啥格講究？“說著，便瞟了沉二寶一眼。
沉二寶被他這幾句話兒正說著了他心上的心病，不由