就連我都唔多理，後來我都冇乜搵佢地喇。」阿灰插口說：「我一早都講過，好似你咁，一做嘢就話曬事咁既樣，唔容易同人相處。」「我今日都冇啦！」不是蘋果爭辯說。「你喺我呢個老嘢面前梗系啦。不過，我唔系話你錯，你都唔繫有意。我既意思系，你主觀好強，有啲嘢唔肯就人，但繫有時又冇離正經，人地會唔知你幾時講真幾時講假。你認真既時候，人地當你玩玩下，你玩既時候，人地又以為你嚟真既，咁會好傷。」這時輪到不是蘋果沉默了。
在桌子另一邊，奧古正在向貝貝和政講述他學尺八的緣由：「系三年前喇，其實系要講番四年前，有一次好奇心驅使下去聽咗個尺八演奏會，呢種演奏會好少有，我原本都唔系太認識尺八系乜嘢，知道就知道既，但系未正式現場聽過，嗰晚咁啱去大會堂，見到有個男人企喺門口，話買多咗飛，問我要唔要，我見佢咁慘，咪幫下佢，反正都想試下，點知一試就甩唔到身，真系，冇誇大，直情繫想甩都甩唔到身，好似有的咩上咗身咁，直情繫著曬迷，演奏會一完咗，就即刻忍唔住走入後臺搵嗰個師傅，求佢教我。嗰個日本師傅其實已經好有名，唔容易隨便教人，你知啲日本人好講究呢啲嘢，佢冇即刻應承我，我都知道好難迫人。後來自己就猛咁買啲尺八既碟嚟聽，又買咗枝尺八嚟自己吹，咁梗系唔識吹啦，初頭真系連一粒聲都吹唔出架，唔系講笑。點知一年後嗰個日本師傅又再過嚟演出，我又去搵佢，仲帶埋枝尺八。佢見我咁有誠意，就應承咗我，但系佢一年唔多時間喺呢度，所以除咗自己教我，主要系叫佢喺度既日本人徒弟教我，不過，我都算系佢門下。我宜家儲緊錢，希望可以去日本跟佢。」 電子書 分享網站
技術（4）
「真系難得！你點可以有咁既毅力？你點可以只系見咗一次聽咗一次，就知道自己鍾情既嘢？你唔會覺得只不過系三分鐘熱度既咩？要持續一種熱情，其實唔易。」貝貝雖然聽不是蘋果說過奧古的故事，但還是感到不可思議。
奧古只是側著頭，說：「我都唔知點講，都冇諗過話堅持啲乜，總之，有啲嘢系唔使解釋既，老土啲講就係一見鍾情，我信有呢樣嘢。」
不是蘋果轉過頭來，插嘴說：「奧古你對尺八就一見鍾情，對女仔就百見無情，咁耐都冇見你拍拖。」
奧古尷尬地笑著說：「系囉，系囉，所以話繫有就有，系冇就冇。」
「真系可以咁樣一往無前？一直無懷疑咁做落去？」貝貝說。
「真系會咁突然？一鍾意咗就甩唔到身？自己都冇辦法控制？」政也說。
粉面來了，擾嚷了一陣，貝貝叫的雲吞麵寫錯單，來了魚蛋粉，想換，但又肚餓，又怕麻煩，就照樣吃了。不是蘋果說：「你呢個人，明明系想食雲吞麵架嘛！拿，我碟雲吞撈麵俾咗你好唔好？」貝貝卻說：「咁你夠系想食雲吞撈麵啦，做乜要俾我？」不是蘋果說：「我唔繫好緊架咋，我食乜都冇所謂。」政突然就說：「我再叫一碗雲吞麵俾你。」貝貝有點心煩地說：「唔使啦，咁小事，唔好搞啦，魚蛋粉咪幾好食！」
那邊智美正在談著她打工的事，好像興致又回來似的：「宜家做promote唔系淨系講有咩優惠架喇，乜都唔使講，淨系凼個客籤個名，你話，淨系登記者，唔使俾錢，一個月免費試用，唔使講有乜著數，淨系派啲靚女，見後生男人就纏住佢，苦苦哀求咁，話公司要一晚籤滿幾多quota，如果唔夠，今晚就白做，好慘，你當系幫下我啦好唔好？咁講架，真系拉住你隻手，系咁嗲你架！好少男仔唔心軟！」阿灰吸吮著河粉，口裡含糊地說：「真系咁搞？乜宜家的手法咁毒！」不是蘋果指著智美，說：「呢，佢咪做緊呢的嘢囉！下次唔好喺街度撞到佢，如果唔系真系唔好彩！」智美撥開不是蘋果的手，說：「你估我想既咩！啲女仔個個都用呢的手段，自己唔系咁就聽食白果啦！你估好玩咩？我雖然都想識男仔，但系，都唔系咁cheap，鍾意隨便嗲的陌生人，有時遇著的衰人，都有俾人佔便宜。」阿灰放下碗筷，突然後鄭重地說：「智美，轉過份工啦，唔好做啲咁無聊既嘢！」智美沒有回答，低頭在吃麵，咬了很久麵條也沒斷，在筷子間拉拉扯扯的。智美剛食完一口，抬起頭來，阿灰又拿起筷子低頭在吃著。不是蘋果也沒說話，看著他們兩個，看見智美抿著嘴，眼溼溼的，但阿灰只是低著頭。
不是蘋果索性別過臉。在另一邊，奧古又在侃侃談著他的尺八傳奇：「我每晚至少練習三個鍾，有時隔籬鄰舍都會投訴，你知啦，有啲人覺得尺八啲聲好恐怖，好陰冷個種，我自己鍾意就